| keskiviikkona, maaliskuuta 26, 2008 |
| Páskaklám |
Klám er kjánalegt orð, smá eins og kláði og svo... nám. Kláðanám. Hvað er þetta margra gúgla færsla?
Það er svo mikið að gera. Ef einhver á skipulagssprengju vil ég gjarnan fá hana lánaða til að sprengja inni í hausnum á mér. Flest að gera er samt skemmtilegt. Í dag hélt sænsk-finnska skáldið Lars Huldén fyrirlestur í Norræna húsinu, hann var bráðskemmtilegur. Fyrirlesturinn var á sænsku, það var enn betra. Þegar maður skilur ekki alveg allt sem sagt er, þá verður fyndnin sem þó fattast svo miklu fyndnari. Hann talaði um ellina og blessað brennivínið, Bellman og Runeberg og heil ósköp um Laxness og Íslendingasögurnar. Talandi um þær, í gær lærði ég ekkert meira heldur kúraði með páskaeggjum og las klámfengna glæpaóra frænku minnar upp til agna, það var stórskemmtilegt.
Er ég núna að neimdroppa? |
Erla Elíasdóttir @ 9:20 ip.  |
|
|
|
