| lauantaina, maaliskuuta 17, 2007 |
| Draugasaga |
Vinnan lyktaði af hárspreyi um daginn og minnti mig á ballett. Ég var nefnilega í ballett, eða grundvallarundirbúningi slíks, veturinn sem ég var sex ára. Ég man eftir æfingu sem hét kassi og þá lá maður á maganum og snerti hausinn með tánum. Svo um vorið tókum við þátt í sýningu þar sem við tipluðum um í rauðu og gulu með fuglabúr í hendi og ég held að fuglarnir hljóti að eiga að hafa týnst og jafnvel fundist aftur, að minnsta kosti bauð umgjörðin ekki uppá annarskonar plott. Þarna var líka stelpa sem hét nafni sem ég hafði ekki heyrt fyrr og þessvegna man ég eftir skónum hennar. Þeir voru alveg eins og allir hinir skórnir. Það voru tveir strákar en ég man ekki hvort þeir voru í skóm. Annar var ljóshærður og hinn í turtles-hjólabuxum, þó mögulega sá sami.
p.s. Ef einhver sem les þetta var með mér í sex ára bekk og man hvort nokkurntímann fékkst botn í rifrildið um framburð orðsins „turtles“ má hann gjarnan minna mig á það.
p.p.s. Ég hélt ekki áfram um haustið. |
Erla Elíasdóttir @ 3:56 ip.  |
|
|
|
|
|
|
![]()
|
|
|
| Meðlæti: |
- - -
|
| Gestgjafar: |
 |
|
