| maanantaina, heinäkuuta 10, 2006 |
| Vitatorgóðandag |
| Marblettir og flugnabit, sumt eftir Hróarskeldu en annað eldra, sumt síðan datt af hjóli og annað síðan hjól datt á mig. Hann er sennilega undan appelsínugulu fjallabikkjunni, þessi á innanverðum hægri kálfanum. Ég beið við Tívolíinngang Hovedbanegaarden eftir Gérard Marquis, snemma miðrarvikujúnídagsins áðuren hann snéri aftur heim, veðrið óþægilega gott og við ætluðum í sjóinn. Gé seinn að vanda og ég stóð við tröppurnar og hjólið við handriðið þegar einhver brussaðist framhjá, fellandi það um koll svo tanngarður keðjuhjólsins sökk inní kálfana mína báða og skildi eftir marbletti og bitför. Hægra marið hefur dofnað talsvert og sárin gróið, en einkennilegur hnúður virðist hafa myndast undir húðinni í marblettinum miðjum, eða hnútur, taugahnútur; varanlegur, konsentreraður sinadráttur. Það er vont og hann er heitur, líktog eitthvað bíði þess að klekjast út, eða taka yfir, inni. Hmm. En annars allt, allt gott, nýtt sem eldra; viðkunnanlega kunnuglegt og gott. |
Erla Elíasdóttir @ 2:09 ip.  |
|
|
|
