| tiistaina, kesäkuuta 06, 2006 |
| Sjöttisjötti |
Takk allir hamingjuóskendur, ég á afmæli og skála í bjór við tölvuna mína. Fékk fiðrildishálsmen og konditoríjarðarberjaköku með hlaupi (varð þá hugsað til Halldóru sem hringdi áðan og heyrði ekki hallóin mín og ég vona að hringi aftur) frá Önnu Kolfinnu, og nýjan síma frá Gunnu, sem gat víst ekki horft uppá skjásprungna hryggleysingjann minn lengur. Haha gaf mér fimmkall í auraklinki, auk vilyrðis um frábæra gjöf á morgun. Fékk mér hárkött og kíkti á Stevnsgade. Ágætis dagur, þrátt fyrir markaðssetningu í nöfnum illskunnar holdgervðrar og Bubba. Og ágætis hár, og það bæði frá meðfylgjandi vinstri og hægri, hversu vafasamt sem það kann annars að virðast að þau séu sama andlit, á sömu mínútu (burtséð frá því að vinstrið (þarsem einnig glittir í fiðrildismen) minni helst á vampíru).
Annars þykir mér leitt frá því að segja að gærdagurinn var hreint ekki í frásögur færandi, því mér þykir síðasti dagur þess tuttugastogfyrsta óneitanlega sérstakari en sá fyrsti af 365 hins tuttugastogannars.
Ég ætla út. Ég vil segja ykkur svo mikið, minnið mig á það. Sjöundasjöunda. |
Erla Elíasdóttir @ 8:30 ip.  |
|
|
|
