| sunnuntai, kesäkuuta 11, 2006 |
| Síðan afmæli: |
hjólað til Louisiana, setið á tónleikum, legið á strönd, sungið á brú, dansað á snobbklúbbi, glamrað á gítarinn sem pabbi gaf mér og átt í ótrúlega mörgum samræðum sem á einn eða annan hátt snéru að myspace. Þar bar sennilega hæst samtal við stelpu sem ég hitti heima hjá Svönu í gær og þekkti einhvern sem þekkti stelpu sem ekki aðeins hafði deitað lúllann í The Knife, heldur Håkan Hellström líka (einsog hún sagði mér andaktug í sömu andrá og hún addaði mér á mæspeis).
Svo fórum við á Copenhagen Jazzhouse, þangað hafði ég ekki komið fyrr og hélt við ætluðum á djasstónleika, óekkí, en samt var gaman. Góð dansskilyrði (tónlist pláss andrúmsloft), kósí félagsskapur, tíminn leið undarlega. Einn af þessum stöðum sem fólk stendur lengi í röð til að borga fyrir að komast inná (nema fólk einsog við, sem af ástæðum mér ókunnum vorum á gestalista), og bjórinn morðdýr (samkvæmt mínu bókhaldi fengjust einir átta bjórar á Moose (sem er btw í næstu götu) fyrir samanlagt andvirði inngöngu og eins bjórs á Copenhagen Jazzhouse). Staðurinn svosem flottur eftir því. En það er dáldið fyndið með svona staði, að þar er alltaf viss slatti af karlmönnum sem virðast líta svo á að í uppsettu inngönguverði sé innifalinn nærgenglisréttur á hendur kvengestum staðarins (sem verður þó að segjast að meikar sens í samhengi subbustaða á borð við La Hacienda, þar sem er rándýrt inn fyrir karlmenn en frítt fyrir konur.)
Annars er ég svo upptekin við að vera í fríi að ég veit varla hvað dagarnir heita, uptekin við að njóta þess sem notið verður í Kaupmannahöfn, það sem eftir er. Elsk. |
Erla Elíasdóttir @ 3:24 ip.  |
|
|
|
