| perjantaina, kesäkuuta 23, 2006 |
| (‘Finnskt hrossatað í raun hefilspænir frá Litháen’ |
- mbl.is; gerir lífið skemmtilegra!)
- - -
Hafdís! Fórstu einhverntímann á Café Svejk, við Smallegade? Ég átti stundum leið þar hjá og alltaf varð mér hugsað til þín og að við yrðum að fá okkur þar öl, en samkvæm eigin ómennsku og framtaksleysi minntist ég aldrei á það við þig. Kannski er þar ekkert kósí, og ímynduð minning þá betri, enda ágæt. Í heimskrölti morgunsins frá Jagtvej 187 (sannarlega skammt þungra högga á milli) varð mér aftur hugsað til þín, þá í tengslum við þónokkur margþjóða keppnislið, heldur færri lögreglumenn og stakan runna. Þó urðu engir slíkir tímaþjófar á rakleið minni til kjallaraholunnar þar sem ég sofnaði þörfum svefni, en einkar óværum; götóttum ruglmundi draumtroðnum, draumi þess eðlis að efnið endurtaki sig áðuren það byrji, auk þess að halda atburðarás kvöldins áfram líktog ekkert hefði verið farið; ég endaði á að hjóla heim aftur! Aðalviðbót draumsins varst þú, já og að borgin leit dáldið út einsog Apaplánetan, ef hún væri í Amsterdam. Við fórum í partí hvar ekkert okkar þekkti neinn, en þeir sem fyrir voru þekktust ekki heldur. Ég fór á klósettið, dyrnar opnuðust á mig sitjandi og okkur var hent út. Svo kom ruglumsull og annað, en það síðasta sem ég man greinilega er, að við vorum að hjóla heim og þú varst alveg snarfáranlegabrjáluð útí mig, alltað því hést mér líkamsmeiðingum (og skildist mér að það sem helst hindraði slíkt væri mamma þín í heimsókn), afþví við höfðum verið að spila uppá peninga við fleiri stúdenta, en ég einhvernveginnn fokkað því upp og spilað aleigu okkar beggja fyrir bí!
Þegar ég svo hrökk upp klukkan alltoflöngufyrirhádegi tókst mér á óvæntu alviskuuppljómunaraugnabliki að snarráða vitleysuna, sem var gott, en leið jafnframt minnst í heimi einsog til að lufsast útá Bryggju, sem var verra. En viti konur og börn; það var einmitt það sem ég gerði og það var mótvindur og hausverkur, en það var fjörulykt á Njálsgötu og nú er ég að borða kirsuber og bíð eftir Aldísi og Jóhanni og bróður mínum Helga á messu heilags Hans, öðru nafni Jóns. Hah, nú heldurðu að ég hafi gert þetta afþví þú ert sterkari en ég. |
Erla Elíasdóttir @ 12:06 ip.  |
|
|
|
