| tiistaina, toukokuuta 09, 2006 |
| Brenndur enni |
Sólin grillar, dasar og sveitir og ennishrukk slær met í sem hreyfingarminnstri sársaukaframköllun. Annars þykir mér gaman að hrukka ennið, einsog honum föður mínum sem á afmæli í dag, hurra hurra hurra! Í dag er líka sigurdagur heitins Sovétlýðveldis, og Evrópudagurinn; ég borðaði möffins í boði ESB á Højbroplads. Eina með sænskum fána, aðra með einhverjum öðrum fána og þá þriðju með einhverjum þriðja. Það bjargaði því sem bjargað varð eftir nýorðna brottvísun úr 7-Eleven á nærliggjandi götuhorni, hvar tilraun til viðskipta fyrir aleigu í evruklinki var hafnað. Sambandið brá skjótt við og barg mér frá hungurdauða.
Annars hef ég þráð gúrkur í dag. Fyrst langaði mig að sneiða niður slíka og púsla, nei; hrúgenni á andlit og axlir en gekk svo lengra og lét mig dreyma um sundsprett í maukuðum gúrkumassa. Gullnum gúrkusneiðum í Jóakimsgeymi. |
Erla Elíasdóttir @ 8:59 ip.  |
|
|
|
