| torstaina, helmikuuta 23, 2006 |
|
Á þriðjudaginn átti Álvaro födselsdag, hurra hurra hurra, og efndi til bítsj-partís ("nott læk a vúman, böt læk tú svim") í íbúðarholunni Ítalanna í Nörrebro, skreyttri pappírspálmum og hálfnöktum Spánverjum og kyntri uppí sirka 50°C. Minnir mig á sumarið 2004 þegar Kalli pabbi hennar Völu varað farað keyra okkur suður á Keflavíkurflugvöll í tilefni hátíðar kenndrar við Hróarskeldu og mamma hennar gat ekki varað okkur nógsamlega við hættum útlandsins, þá aðallega skæruhernaði geitunga og annars fjára, sem sagan segði að stunduðu skipulagðar sjálfsmorðsárásir gegn sóldýrkendum heimsins í skjóli drykkjaráls.  Eftir margþætt loforð um ábyrgð og löghlýðni og samviskusamlega geitungavakt í svefni jafnt sem vöku lá leiðin úr Garðabænum í Kelduna og skemmst er frá því að segja að áhyggjuefni vikunnar snérust aðallega um að bjarga viðlegubúnaði frá drukknun og venja sig við drullulykt/bragð/ áferð og reyna að láta ekki stela stígvélunum okkar á meðan við vorum í sturtu. Semsagt strandarfílíngur í lágmarki, í partíinu var hann við suðumark þótt fátt svifi um loftið annað en reykur og rauðvín og meira uppúr glösum en ofaní. Myndir margar en fæstar vel fókuseraðar, ég kenni sólgleraugunum um. Strandarafmæli Obbu í sumar, sumar og singstar, það var einkar kósí en minningin að minnstu leyti undir berum himni og hvernig ætli standi á því að strandpartí ævi minnar eigi sér ætíð stað innan dyra?
hvar hafa strandir lífs míns ytri sínu glatað?
Hef velt því fyrir mér undanfarið að kynna þjáða listaplebbann í sjálfri mér fyrir heiminum í gegnum svarthvítar sjálfsnektarmyndir og tilvistarkrepptan prósa á ensku. Svona, halda betra sambandi við heimahuga og kannski sjá hvert aðdráttaraflið sé, þetta fer að verða síðastageirfuglsins-tilfinningin. Veit samt ekki, hef frekar hallast að því að ég sé varla að missa af neinu óbætanlegu, að ekki sé minnst á of mikla mindless afþreyingu nú þegar og í dag varð svo fyrir mér nokkuð sem ber ef til vill að túlka sem tákn frá æðri verund um að láta kyrrt liggja, hvað haldið þið? |
Erla Elíasdóttir @ 8:39 ip.  |
|
|
|
|
|
|
![]()
|
|
|
| Meðlæti: |
- - -
|
| Gestgjafar: |
 |
|
