| lauantaina, lokakuuta 22, 2005 |
| Vegurinn undir fjallinu |
| Eftir 15 tíma verðum við lögð af stað, vonandi, takist mér að taka strætó á Hovedbane og þaðan lest á Kastrup fyrir klukkan sex, með ég hef ekki hugmynd um hvað í eftirdragi, hvað tekur maður með til Moskvu? Dreymdi yfirvofandi ferðalag á óljósan áfangastað og allskonar hrakfarir einsog snúa við fimm sinnum til að ná í bráðnauðsynlega gleymda hluti en gleyma þó loks skónum mínum á hótelherbergi á stað sem ég hafði litla von um að koma nokkrusinni á aftur, þegar of seint var að snúa við í sjötta skiptið og á leiðinni í lest sem þegar var lögð af stað mætti ég fornvinkonu minni henni Ísabellu sem var á sömu leið á sömu hlaupum og saman hlupum við upp drullusvaðsbrekku, alsetta örlitlum girðingum þvert yfir með svona 15 sentimetra millibili, sem erfiðaði hlaupin töluvert en þó komumst við upp og áfram veginn undir fjallinu sem lestin hafði ekið skömmu áður (það minnti mig á leikinn þarsem tveir hlaupa samhliða með tvo fætur samanbundna, einskonar þrífætt, minnist þess þó ekki að hafa nokkrusinni leikið umræddan leik heldur séð hann í bók, frekar) og á endanum hlupum við hana uppi, lestina, og stukkum um borð þarsem fleiri vandkvæði biðu okkar, man þó ekki hver. Það var líka ýmislegt fleira í þessum draumi. |
Erla Elíasdóttir @ 4:38 ip.  |
|
|
|
