| lauantaina, syyskuuta 10, 2005 |
| Fiskeri og badning forbudt |
Ég gæti sagt frá mörgu. Því sem ber fyrir augu á leiðinni í skólann og hinu sem ég sé ekki en ímynda mér að sé þar samt, frá samræðum engispretta á heimleið í morgunskímunni, frá ört vaxandi fíkn minni í gríska jógúrt, frá hárinu á mér sem ég klippti í Esbjerg og vex nú í skemmtilegar áttir, frá danska dvergnum og ligeglaða Þjóðverjanum, frá eldgamla Tomma og Jenna náttsamfestingnum mínum, því hvað sagnfræðinemapartí eru skrilljón sinnum betri en laganemapartí og ég gæti sagt frá Ítalanum Gérard Marquis.
Áa: ég saknaði þín í lítilli, niðurgrafinni búð, troðfullri af indversku dóti.
Haldóra: ég rakst á Stellu, hún hefur lesið bókmenntafræði við KU undanfarið. Þau Kristján eiga von á barni í byrjun nóvember. Við Stella ræddum lengi saman og einsog við hefðum hist í gær, sem er merkilegt í ljósi þess að það gerðum við ekki þegar við unnum saman allan veturinn tvöþúsund til eitt, og höfum varla sést síðan. Svo fór ég í seveníleven og keypti sunglory.
Vera: ...could taste your sweet kisses, your arms open wide, this fever for you is just burning me up insiiiiiiiiiiiiiiiiiiiide
Hafi Celine Dion orðið allt að því réttdræp í mínum augum fyrir að kovera I drove all night eftir Cyndi Lauper, þá bætir þessi glæsilega brúðkaupsmynd ýmislegt upp:
Annars er lífið of gott þessa dagana, allt er of, alltof of.
Ást til sumra, annað til annarra en gott til allra, à une autre fois |
Erla Elíasdóttir @ 5:53 ip.  |
|
|
|
