| perjantaina, elokuuta 05, 2005 |
| i found a fox caught by dogs |
Þetta var síðasta vikan. Þó er sú næsta strangt til tekið sú síðasta; hún verður síðasta vikan.
Þetta var síðasta vikan sem var aðeins vika meðal annarra áþekkra í runu þessa sumars sem óðum nálgast síðasta neysludag. Það var gott sumar, alvöru. Í sumar hef ég sofið og elskað, ég hef drukkið brúna möl og ég hef borðað græn ský, ég hef sópað ellinni upp í fægiskóflu og ég hef nuddað og skrúbbað með hreinsimeðulum guðanna til þess eins að komast að því að blettirnir voru ekki blettir heldur mynstur í myglulíkum linoleumdúknum.
Mér þykir ég hafa dýpkað samband mitt við sjálfa mig, ætli ég hafi þá komist dýpra til botns í mér? leiðinni að mér? Samanber Skarpa; það er sannarlega of satt, þetta með leiðina og þá sérstaklega í tengslum við listina og ástina og þessháttar spurningar, eða gátur, því hvað er list annað en tilfinning, og hvað eru tilfinningar annað en spurningar og gátur sem svarað er með öðrum, ef nokkru.
|
Erla Elíasdóttir @ 3:35 ip.  |
|
|
|
