| torstaina, helmikuuta 24, 2005 |
| Höfuðlausn |
Eitt sinn fyrir nokkrum árum kom pabbi heim af ráðstefnu og hafði með sér derhúfu sem hann gaf mér. Kollinum er skipt í sex parta einsog á pínulítilli regnhlíf. Einn er gulur, annar rauður, þriðji fjólublár og fjórði appelsínugulur, svo er einn grænn og einn blár. Sá guli er framan á og á honum stendur:
Make your system fly with...
SarCheck
www.sarcheck.com
Derið er dökkblátt með marglitum saumum.
En það merkilegasta við húfuna er að uppúr hvirflinum, punktinum þar sem litirnir mætast, stendur vír. Á hann eru þræddar marglitar glerperlur, efst er appelsínugul glerstjarna og neðst pínulítill ljósbrúnn plasthundur. Á milli stjörnunnar og perluraðarinnar er skærgrænt viftublað sem teygir sig u.þ.b. 10 sentimetra út í hvora átt.
Fyrsta skref er að klippa derið af, því það er óþarft. Því næst að sauma kollinn, eða neðri brún hans (og nál og tvinni virðast hér betri kostur en saumavél) við samsvarandi hluta höfuðleðurs míns. Svo kemur það erfiða: ég verð einhvernveginn að úthverfa eigin haus, þá mun ranghverfan væntanlega snúa út en aðalatriðið er jú að viftan snúi inn. Ef allt fer að óskum mun hún þá vísa beint niður úr þaki höfuðsins.
Veitir ekki af smá loftræstingu þarna inni.
|
Erla Elíasdóttir @ 11:01 ap.  |
|
|
|
