| perjantaina, tammikuuta 21, 2005 |
| Gjaldkerastarfið |
...er ekki tekið út með sældinni, eintómt vesen og misskilningur sem hefur hingað til ekki verið allskostar ljóst hvar byrjaði. Vesæll gjaldkerinn hefur flækst milli skriffinnskubákna og reynt að ráða fram úr fjármálaólestrinum síðan í fyrra og hefur hvorki gengið né rekið, EN! í dag rak ég augun í það að einhver gaf einhverjum einhverntímann upp rangt reikningsnúmer. Það vildi svo til að ég áttaði mig á þessu þegar klukkan var fimm mínútur gengin í fjögur í dag, en skrifstofa Stúdentaráðs lokar klukkan þrjú á föstudögum...
Ekki svo að skilja að ein helgi til viðbótar skipti sköpum þegar heil önn hefur farið í þetta rugl nú þegar.
En gjaldkeravesen eður ei, ekki aftraði það mér frá því að hanga í norðurkjallaranum í allan morgun. Það er vissulega pínkulítið skrýtið að koma þangað núorðið, vera gestur innanum milljón nemendur og samt er einsog ég hafi kannski aldrei farið. Og hvar annarsstaðar finn ég samankomna á einum stað jafnmarga sem mér þykir vænt um?
Ekki aðeins er ég sögunnar versti gjaldkeri heldur líka stúdent í afneitun. hmm.
|
Erla Elíasdóttir @ 5:46 ip.  |
|
|
|
|
|
|
![]()
|
|
|
| Meðlæti: |
- - -
|
| Gestgjafar: |
 |
|
